Atención Sociosanitaria a Persoas Dependentes

A Consellería de Política Social, a través da Dirección Xeral de Maiores e Persoas con Discapacidade organiza este programa de promoción do envellecemento activo e convivencia, destinado ás persoas maiores que se atopen soas nestas datas, xa sexa por carencia de familiares ou amigos, a perda do seu cónxuxe ou por outras circunstancias.

Cartaz Xuntos polo Nadal 2015 (pdf)

Prazas e destinos

Ofértanse un total de 240 prazas distribuídas do seguinte xeito:

- 120 na Residencia de Tempo Libre de O Carballiño (Ourense), para as persoas solicitantes das provincias de Lugo e Pontevedra.

- 120 na Residencia de Tempo Libre de Panxón, en Nigrán (Pontevedra) para as persoas solicitantes das provincias de Ourense e A Coruña,

Residencia de Tempo Libre do Carballiño (Ourense) e Panxón en Nigrán (Pontevedra)

Datas e servizos

Este programa levarase acabo entre ol 23 de decembro de 2015 e o 2 de xaneiro de 2016, e comprende os seguintes servizos:

Estancia na residencia durante 11 días (10 noites).
Aloxamento, en habitacións compartidas e manutención en réxime de pensión completa.
Desprazamento en autobús desde os lugares que se establezan nas localidades de Santiago, A Coruña, Ferrol, Pontevedra, Vigo, Lugo e Ourense ata as residencias de tempo libre e viceversa.
Actividades de animación sociocultural.

A recollida das persoas participantes efectuarase o día 23 de decembro pola mañá e a volta o día 2 de xaneirodespois da comida.

Persoas beneficiarias:

Para beneficiarse deste programa haberá que reunir os seguintes requisitos:

Ter 60 anos, cumpridos no momento en que remate o prazo de presentación de solicitudes.
Estar empadroado nalgún dos concellos galegos e vivir no seu domicilio.
Ter que pasar só/a as datas do Nadal.
Valerse por si mesmo e non padecer enfermidade infecto-contaxiosa activa nin trastornos mentais ou condutuais non compensados que poidan alterar a convivencia.
Non estar acollido/a nun centro residencial

Para a selección dos participantes daráselle preferencia ás persoas que:

Realmente vivan soas e non teñan con quen pasar estas datas.
Teñan un menor nivel de ingresos económicos.
Teñan máis idade.
Non participaran en pasadas edicións do Programa Xuntos polo Nadal.

Poderanse excluír aquelas persoas que participaran neste programa en anos anteriores e non se adaptaran ás normas de convivencia establecidas, aínda que obteñan unha puntuación que lles permita o acceso ao programa.

Se houbera solicitudes con acompañante, unicamente se terán en conta cando quedaran prazas vacantes despois de adxudicarlle praza a todas as solicitudes individuais.

Solicitudes e prazo de presentación:

As solicitudes, acompañadas do informe social e da declaración responsable, formularase nos modelos establecidos ao efecto e estarán debidamente cubertas e asinadas pola persoa que corresponda en cada caso.

O prazo de presentación será ata o 20 de novembro incluído, nos servizos sociais comunitarios dos concellos, nos departamentos de traballo social dos centros de saúde e hospitais, nas xefaturas territoriais ou centros sociocomunitarios de benestar, dependentes da Consellería de Política Social; ou ben por calquera dos medios previstos no artigo 38.4. da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC).

Custo da praza:

As persoas participantes que teñan uns ingresos inferiores ao IPREM (532,51€/mes), asistirán de forma gratuítaao programa, mentres que aquelas con uns ingresos superiores a dito importe contribuirán ao pago da estancia coa achega de 50 €.

Unha vez efectuado o ingreso de dito importe, só se efectuará a súa devolución se non se incorporan ao programa e o comunican por escrito polo menos con 10 días de antelación ao seu comezo; ou o día anterior ou o mesmo día no caso de forza maior: enfermidade ou falecemento dun familiar; situacións que terá que acreditar coa solicitude de devolución. Non se lles devolverá ningún importe se abandonan o programa ou non se atopan nos supostos anteriores.

Os gastos de desprazamento dende o domicilio dos adxudicatarios ata o lugar de saída que se indique nas localidades de Ferrol, A Coruña, Santiago, Lugo, Ourense, Pontevedra ou Vigo e viceversa serán por conta da persoa participante.

Documentación:

As persoas ás que se lle adxudique praza terán que confirmar a súa asistencia e, no momento de incorporarse ao programa, ir provistas de:

DNI ou pasaporte en vigor.
Informe médico actualizado no caso de ter algunha limitación, alerxia ou enfermidade que requira algunha atención especial (control sanitario, tratamento farmacolóxico, alimentación, accesorio de apoio etc). De non levar a acreditación da necesidade, non se lle prestará ningún tipo de atención especial.
Tarxeta sanitaria, medicación habitual necesaria e/ou accesorios para o transcurso do programa.

Deberán levar roupa adecuada e cómoda.

Para mais información pódense dirixir a:

Teléfono Social 900 333 666 (de balde).
Páxina web da Consellería de Política Social: http://benestar.xunta.es
Os servizos socias comunitarios dos concellos e/ou departamentos de traballo social dos centros de saúde e hospitais.
As xefaturas territoriais ou centros sociocomunitarios de benestar, dependentes da Consellería de Política Social.

Atención Sociosanitaria a Persoas Dependentes

martes, 17 de noviembre de 2015

IMPORTANTISIMO!!!!!! PARA TODAS LAS CUIDADORAS, AUXILIARES DE GERIATRÍA, TECNICO@S DE ATENCION SOCIOSANITARIA....

lunes, 9 de noviembre de 2015

XUNTOS POLO NADAL 2015

Prazas e destinos

Datas e servizos

Persoas beneficiarias:

Solicitudes e prazo de presentación:

Custo da praza:

Documentación:

Para mais información pódense dirixir a:

jueves, 5 de noviembre de 2015

Blog: Mi rincón de apoyo al cuidador

Envejecimiento: Edad media en España 2015

5 de novembro: Día do Coidador

martes, 3 de noviembre de 2015

Diagnosticado con Alzheimer a los 36 años !!!!!

lunes, 2 de noviembre de 2015

Teleasistencia de Cruz Roja